(FOTO/VIDEO) Gagauz muzika instrumendini ustalamış Kiret-Lunga yaşayanı

0

Halk ustası Kiret-Lungadan Sergey Arseni ilk sıra yaşamasında kendi ellerinnän ustaladı gagauz halk instrumendini – davulu. GagauzMedia korespondentinä adam oynadı bir kısım türkü, hem anattı, neelär taa var aklısında ustalamaa.

Ustalama bir daul Sergeyin aklısında varmış çoktan, taa askerlä gitmediynän, ama yapmaa bu işi yakıştı sade diil çoktan.

«Bän kimärkerä oynȇȇrım kendimä kadar akkordeonda. Bir günü genä bişey oynarkana, işittim bir ses kapu önündä. Çıktıynan, bakȇrım, dört yaşında uşaam çıkarmış lenneri, kaşıkları da düyer onnarlan niça davula. Ozaman da aklıma geldi ustalamaa bir davul», – söler Sergey.

Adamın lafına görä, davulun baş materialını o yapmış hayvan derisindän, nicä taa çoktan yaparmışlar gagauzların dedeleri. Segey sayȇr, ani hayvan derisindän davul taa ayırı olarak ses verer.

Hepsi sıırları Kiret küün yaşayanı annatma istämedi, ama söledi, ani yaparkana kullandı bıza hem keçi derisini. Öbürlerini sa hepsini ustaladı kendi ellerinnän nedän olursa. Çanakları da davula deyni hep ölä kendi ellerinnän yaptı.

Yaptıynan kendi muzikal itstrumendini, Kiriet yaşayanı tutundu donatmaa onu. Yaklaştı o bu işä nicä dizaynerlär: boyadı, saardı dokuma kumaşlan, bitki bitkiyä aad da ona koydu – «Şılakfor».

İleerä Sergei koydu neetinä gagauz dayraanı yapmaa hem taa birkaç davulçuk taa küçük boydan ustalamaa. Adamın neetindä var hem gagauz millet çarıynı yapmaa folklor toplumuna deeyni kendi küündän.

Bu yazıyı var nasıl okuyarsınız rusça da.

Вам также могут понравиться
Комментарии
Loading...